Веткаўскі лясгас падняў заробкі пасля абурэння работнікаў

Веткаўскі спецлясгас 15 красавіка абнавіў спіс вакансій, у якім бачна прыкметнае павышэнне заробкаў для многіх спецыялістаў. Для некаторых пазіцый — амаль у два разы, паведамляе "Флагшток".

Раней вальшчыку лесу абяцалі 1000–1300 рублёў у месяц, цяпер жа — 1900 рублёў. Майстру лесу плацілі 900–1100 рублёў, у новым спісе пазначана 2000 рублёў. Лесавод раней атрымліваў усяго 700–1000 рублёў, цяпер жа — 1500 рублёў.

Спіс вакансій са старымі заробкамі быў выдалены з сайта лясгаса пасля публікацыі "Флагштока".

Выглядае на тое, што заробкі паднялі да ўзроўню суседніх раёнаў. Гэта адбылося пасля скаргі работнікаў веткаўскай арганізацыі ў Гомельскае лясгаспадарчае аб’яднанне.