Вытрымаць гэты год азначае вытрымаць усю гэтую вайну — Зяленскі
![Украінскі вайсковец на фронце](/sites/default/files/styles/gallery_main/public/2024-01/417400019_716729187306829_8539636232324559715_n.jpg.webp?itok=6aEKtIk3)
Украінскі вайсковец на фронце / facebook.com/GeneralStaff.ua
Вытрымаць гэты год азначае вытрымаць усю гэтую вайну, заявіў украінскі прэзідэнт Уладзімір Зяленскі ў пятніцу ў відэазвароце да ўкраінцаў. "Важны час. Шмат у чым вырашальны, — кажа ён. — Дзякуй усім, хто гэта ўсведамляе, хто дапамагае дзяржаве станавіцца мацней, а нашым воінам — мець магчымасць знішчаць ворага".
Паводле слоў Зяленскага, галоўным прыярытэтам для ўкраінскай дзяржавы ў 2024-м з'яўляецца даць войску ўсё неабходнае для абароны Украіны і для актыўных дзеянняў, а менавіта: боепрыпасы, дроны, тэхніку і людзей.
5 студзеня галоўнакамандуючы Узброенымі сіламі Украіны Валерый Залужны заявіў, што "аператыўна-стратэгічная сітуацыя [на фронце] застаецца складанай, але кантраляванай". УСУ працягваюць абарончыя аперацыі, "канцэнтруюцца на адбіцці атак праціўніка і на нанясенні яму максімальных страт у жывой сіле і тэхніцы".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.