Вызваленыя ў Газе закладнікі ўжо сустрэліся са сваімі блізкімі

Вызваленыя ў Газе закладнікі прайшлі медагляд і ўжо сустрэліся са сваімі блізкімі. 70-гадовы Луіс Хар і 60-гадовы Фернанда Марман правялі 130 дзён у палоне ХАМАСа. Ізраільскія вайскоўцы вызвалілі іх падчас рэйду ў горадзе Рафах на самым поўдні сектара Газа каля мяжы з Егіптам.

Аперацыя па вызваленні закладнікаў працягвалася каля гадзіны. Яны знаходзіліся на другім паверсе аднаго з будынкаў пад аховай групы тэрарыстаў (закладнікі ў момант вызвалення спалі і яно для іх стала нечаканасцю). У баі адзін з ізраільскіх вайскоўцаў быў лёгка паранены. Пад прыкрыццём авіяцыі закладнікаў вывелі ў бяспечнае месца і эвакуявалі.

7 кастрычніка 2023-га тэрарысты ХАМАС скралі ў Ізраілі 253 чалавекі. Дагэтуль удалося вызваліць толькі 123.