З Макдональдса ля метро “Пятроўшчына” эвакуявалі людзей (фота)
У мінскім рэстаране Макдональдс, што ля станцыі метро “Пятроўшчына”, адбылася эвакуацыя супрацоўнікаў і наведнікаў. Інцыдэнт здарыўся ўвечары 28 студзеня, прыкладна ў 20.30-21.00, паведамляе Радыё Свабода.
Да рэстарана пад’ехала міліцыя ў бронекамізэльках і касках. На пытанне журналістаў супрацоўнікі рэстарана адказалі, што ўстанова зачыненая па тэхнічных прычынах. Прыкладна ў 21.30 супрацоўнікаў рэстарана запусцілі ў памяшканне, дзе з імі размаўлялі праваахоўнікі.
