Беларусы летась атрымалі 3,4% адмоваў у шэнгенскіх візах
Віза, ілюстрацыйнае фота
У 2023 годзе 3,4% заявак з Беларусі на шэнгенскую візу атрымалі адмовы. Пазалетась было адхілена 1,9% заявак з нашай краіны, піша schengen.news.
Па адмовах беларусы займаюць чацвёртае месца. У тройку лідараў 2023 года ўваходзяць грамадзяне Ірана (30,3% адмоваў), Турцыі (16,1%) і Расіі (10,6%).
Агулам летась краіны Шэнгенскай зоны прынялі 10,3 мільёна заяваў на атрыманне візы, але ўхвалілі толькі 8,5 мільёна заявак. Адмовы склалі 16% (у 2022 годзе іх доля складала 17,9%).
Найбольшую колькасць заяваў на шэнгенскія візы летась падалі грамадзяне Кітая — 1,1 мільёна. У першую пяцёрку ўваходзяць таксама грамадзяне Турцыі (1,05 мільёна), Індыі (966 тысяч), Марока (591 тысяч) і Расіі (520 тысяч).
