У Ляхавіцкім РАУС грамадзянам Украіны паказалі фільм пра генацыд
Уладзімір Паноў у ляхавіцкай міліцыі / lves.by
У Ляхавіцкім РАУС адбылася цырымонія прынясення прысягі грамадзяніна РБ. Як піша раённая газета, яе прынеслі грамадзяне Украіны — Уладзімір Паноў і яго сёстры Паліна і Марына. Пасля прысягі міліцыянеры паказалі ім "дакументальны фільм пра генацыд" — пра зверствы нацыстаў у Беларусі. Далей Пановы спявалі гімн РБ. Пашпарты новыя грамадзяне пакуль не атрымалі, але кожнаму падарылі Канстытуцыю Рэспублікі Беларусь.
Адкуль і калі ўкраінцы прыехалі ў Беларусь, выданне не ўдакладняе.
