20:33 У ЗША даследуюць абставіны смерці беларускага студэнта

У Злучаных Штатах пераглядаецца заключэнне паліцыі аб прычынах смерці беларускага студэнта. 20-гадовы Аляксей Васілеўскі быў знойдзены мёртвым у чэрвені мінулага года ў горадзе Ўэлс (штат Мэн). Ён прыехаў у Амерыку па летняй праграме «Праца і падарожжа ў ЗША».

Паліцыянты адразу вырашылі, што беларус здзейсніў суіцыд. Аднак пасля таго, як амбасадар Беларусі ў Злучаных Штатах Міхаіл Хвастоў накіраваў ліст да губернатара ў справе Васілеўскага, было абвешчана дадатковае расследаванне, інфармуе інтэрнэт-газета «Белорусские новости».