30 лістапада чакаецца моцны парывісты вецер і мокры снег
![30 лістапада чакаецца моцны парывісты вецер і мокры снег](/sites/default/files/styles/gallery_main/public/2023-08/prahnoz-2911.jpg.webp?itok=Q--HYNUn)
У аўторак, 30 лістапада, прагназуецца хмарнае надвор'е, паведамляе Белгідрамет.
На большай частцы тэрыторыі краіны пройдзе снег, мокры снег, па поўначы — моцны снег. Месцамі чакаецца завея. Уначы па ўсходзе Беларусі пройдуць ападкі ў выглядзе дажджу і мокрага снегу. На дарогах будзе галалёдзіца, у асобных раёнах слабы галалёд.
Вецер прагназуецца заходні, на большай частцы тэрыторыі моцны парывісты. Парывы будуць дасягаць 15-20 метраў за секунду. У сувязі з гэтым сіноптыкі абвясцілі аранжавы ўзровень небяспекі.
На працягу сутак тэрмометры пакажуць ад -5 да +1.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.