Ацяпленне ў Мінску пакуль уключаць не будуць
Фота носіць ілюстрацыйны характар
Тэхнічная магчымасць падключэння ацяплення забяспечаная, але Мінгарвыканкам праводзіць маніторынг сярэднесутачнай тэмпературы паветра. У выпадку паніжэння тэмпературы ацяпленне ў Мінску паэтапна ўключаць у адпаведнасці з дзейным заканадаўствам. Пра гэта агенцтву "Мінск-Навіны" расказалі ў прэс-службе Мінгарвыканкама.
У адпаведнасці з Правіламі падрыхтоўкі і правядзення асенне-зімовага перыяду энергазабеспячальнымі арганізацыямі і спажыўцамі цеплавой энергіі ацяпленне ўключаюць у медустановах, установах сацыяльнага забеспячэння, школах і дашкольных установах, музеях, дзяржаўных архівах і бібліятэках — пры тэмпературы плюс 10 градусаў і ніжэйшай цягам пяці сутак. А ў жыллёвым фондзе, інтэрнатах, гатэлях, навучальных установах — пры сярэднесутачнай тэмпературы цягам пяці сутак плюс 8 градусаў і ніжэйшай.
