Ад пачатку года ВУП Беларусі вырас на 4,4%

ВУП Беларусі са студзеня па ліпень 2018 года вырас на 4,4% у параўнанні з аналагічным перыядам 2017 года. Пра гэта паведамляе Нацыянальны статыстычны камітэт.

Паводле звестак ведамства, аб'ём ВУП у бягучых цэнах склаў 66,7 мільярда рублёў. "Індэкс-дэфлятар ВУП у студзені-ліпені 2018 г. у адносінах да аналагічнага перыяду папярэдняга года склаў 112, 1%", — паведамляе Белстат.