Беларусы змогуць звяртацца па фінскую візу ў цэнтры VFS у Расіі
Фінляндыя, ілюстрацыйнае фота / pixabay.com
Беларусам часова дазволілі звяртацца па фінскую візу ў візавыя цэнтры VFS, размешчаныя ў Расійскай Федэрацыі. Пра гэта паведамляе прэс-служба Святланы Ціханоўскай.
Гэта стала магчымым дзякуючы Аб'яднанню беларусаў у Фінляндыі і офісу Святланы Ціханоўскай, гаворыцца ў паведамленні.
Дазвол распаўсюджваецца на ўсе катэгорыі заяўнікаў. Пры гэтым пры падачы заявы на фінскую візу беларусам не трэба пацвярджаць законнае знаходжанне ў Расіі цягам шасці месяцаў.
"Рашэнне дапаможа тым, хто плануе запытаць візу па працы, вучобе, для блізкіх сваякоў і гэтак далей", — падкрэсліў кіраўнік Офіса беларускіх дэмакратычных сіл у Эстоніі Віталь Малчанаў.
VFS Global — самая буйная кампанія ў свеце, якая займаецца апрацоўкай візавых заяваў і спадарожных дакументаў.
