Блогера з Шаркоўшчыны Андрэя Буку асудзілі за "пікетаванне ў інтэрнэце"

Блогера з Шаркоўшчыны Андрэя Буку асудзілі за "пікетаванне ў інтэрнэце" (раней за падобнае судзілі санітарку глыбоцкай лякарні). Як паведамілі яго знаёмыя, прычынай абвінавачвання стала выява ў яго Telegram-канале (ўключаны ў "рэспубліканскі спіс экстрэмісцкіх матэрыялаў"). Адміністрацыйную справу ў панядзелак разглядаў суд Шаркоўшчынскага раёна. Буку асудзілі на 5 сутак арышту, але адпусцілі (магчыма, плануюць затрыманне пазней, бліжэй да выбараў).

Летась блогера аштрафавалі за аватарку ў Facebook, у якой міліцыянеры ўбачылі выяву бел-чырвона-белага сцяга.

Віцебскія праваабаронцы адзначаюць, што Андрэй Бука быў 13-м асуджаным па палітычных адміністрацыйных справах за ўчорашні дзень. Дарэчы, яго прозвішча не было ў раскладзе працы суда Шаркоўшчынскага раёна. Гэта пацвярджае меркаванне, што адбываецца прыхоўванне маштабу рэпрэсій.