Ціханоўская ў віншаванні назвала "наймацнейшы падмурак" беларусаў

Кіраўніца Аб'яднанага пераходнага кабінета Беларусі Святлана Ціханоўская ў віншаванні з Божым Нараджэннем назвала "наймацнейшы падмурак" беларусаў. Гэта "вера ў чалавека, у яго здольнасць змяняць свет да лепшага" (з'явілася і віншаванне ад старшыні Рады БНР).

"Гэтая вера дае нам сілы ісці наперад, натхняе нас з году ў год, — кажа ў відэазвароце Ціханоўская. — Нават у самыя цяжкія часы яна матывуе нас рухацца далей. Мы працягваем клапаціцца, падтрымліваць адно аднаго — і ствараем вялікую сям’ю, дзе кожнаму ёсць месца за калядным сталом. Няхай у вашых сэрцах заўсёды жыве гэтая вера. Бо з ёй у сэрцы мы здольныя дамагчыся ўсяго, чаго прагнем".

Святлана Ціханоўская павіншавала з Калядамі тых беларусаў, якія іх адзначаюць 25 снежня.