Гаага: ці дачакаецца Пуціна і ці рыхтавацца Лукашэнку — эфір з Дзяйкала

Міжнародны крымінальны суд у Гаазе выдаў ордар на арышт Уладзіміра Пуціна і омбудсменкі “па пытаннях дзяцей” Марыі Львовай-Бяловай. Расійскія прапагандысты паспрабавалі паздзекавацца з гэтай падзеі: маўляў, як вы сабе ўяўляеце арышт кіраўніка ядзернай дзяржавы? Але рэч у тым, што Пуцін стаў чацвёртым кіраўніком краіны, на якога ў Гаазе выпісаны такі ордар. І пра лёс трох папярэднікаў Пуціна даведацца не складана. Іншая справа, чаму па-за ўвагай суда застаўся беларускі памагаты Пуціна…

Ці варта разлічваць на рэальнае выкананне рашэння суда ў Гаазе і якія наступствы наяўнасць такога ордара будзе мець? Што азначае гэтае рашэнне для кіраўнікоў іншых краін, якія падтрымліваюць Расію ў яе акупацыйнай вайне? Ці варта чакаць пашырэння спіса асоб, на якіх будуць выпісаныя ордары такога ж кшталту? На гэтыя ды іншыя пытанні ў эфіры Еўрарадыё адказвае юрыстка-міжнародніца, кандыдатка юрыдычных навук, экспертка Беларускага Хельсінкскага камітэта Кацярына Дзяйкала.