Гель, шампунь і зубная паста: што танней у Польшчы, а што — у Беларусі

Цяпер пра цэны: польскі гель большага аб'ёму каштуе танней, чым беларускі, якога на паўлітра менш. У Польшчы яго цана — 40 злотых (33,1 рубля адпаведна курсу Нацбанка на 31.10.2024), у той час як у Беларусі — 36 рублёў.

Сродкі для кухні

Разгледзім сродак для кухні CiF. Бутэлькі ў Беларусі і Польшчы адрозніваюцца як аб'ёмам, так і дызайнам. У польскай версіі — 780 грамаў, у беларускай — 500 грамаў. 

Гэтым разам цана ў Беларусі была крыху ніжэйшай: 6,79 рубля супраць 9,49 злотага, што ў эквіваленце складае 7,87 рубля.

Сродак для мыцця посуду

Славуты Fairy заўсёды быў папулярны ў беларусаў. Параўнаем.

Напрыклад, за 900 мл сродку ў Беларусі вы заплаціце роўна 10 рублёў, а ў Польшчы крыху даражэй — 13,49 злотага (гэта каля 11,1 рубля). Аднак ёсць нюанс: у польскіх крамах часта праходзяць выгадныя акцыі, і проста цяпер прапануюць купіць дзве вялікія бутэлькі ўсяго за 17 злотых (прыкладна 14,1 рубля).

Знешні выгляд і склад прадуктаў не адрозніваюцца, але варта адзначыць, што беларускі Fairy вырабляецца ў Расіі, а польскі — у адной з краін ЕС.

Гель для чысткі туалета

Гель для чысткі туалета Domestos што ў Польшчы, што ў Беларусі наяўныя ў шырокім асартыменце. Мы ўзялі літровую бутэльку з водарам лімона.

У Беларусі яна каштуе 10,61 рубля, у Польшчы даражэй — 14 злотых (11,61 рубля). 

Капсулы для пасудамыйкі

Брэнд Finish, які спецыялізуецца на чыстцы пасудамыйных машын, таксама няцяжка знайсці і ў Беларусі, і ў Польшчы.

Упакоўка з 35 капсуламі ў Беларусі абыйдзецца вам у 50 рублёў са зніжкай (без зніжкі — 90), у Польшчы за дакладна такі ж пачак вы аддасце 50 злотых (41,4 рубля).

Дарэчы, сродак, які прадаецца ў Беларусі, выраблены ў Польшчы. 

Зубная паста

75 мл пасты нямецкага брэнда Lacalut у Беларусі каштуе 10,35 рубля, у Польшчы — больш выгадна: усяго 10 злотых (8,2 рубля), улічваючы тое, што абедзве зробленыя ў Германіі.

А вось кошт 75 мл пасты для адбельвання ад Sensodyne практычна аднолькавы. Купляючы ў Беларусі, вы нават зэканомілі б 52 капейкі: 11,09 рубля супраць 14 злотых (11,61).

За 100 мл Colgate "Трайное дзеянне" ў Беларусі вы б аддалі 3,89 рубля. У Польшчы даражэй —5,79 злотага (4,8 рубля). 
 

Шампунь

Што сапраўды не варта везці з Польшчы, дык гэта шампунь HEAD & SHOULDERS. Бутэлька 400 мл у Беларусі каштуе ад 15 да 18 рублёў, у Польшчы ж давядзецца аддаць 25 злотых (20,7 рубля).

Такая ж гісторыя з брэндам Syoss. 500 мл шампуня ў Беларусі каштуе 11,09 рубля, а ў Польшчы 440 мл — 22 злотых (18 рублёў).

Мала таго што ў Польшчы вы пераплаціце амаль 7 рублёў, дык яшчэ і аб'ёму атрымаеце менш.

Дэзадарант

Антыперспіранты таксама таннейшыя ў Беларусі. Напрыклад, 150 мл ад брэнда Rexona абыйдзецца вам у 8 рублёў са зніжкай (без зніжкі — 13,35 рубля). У Польшчы за такі ж аб'ём вы аддасце 19 злотых (15,7 рубля). Калі купляць на акцыі, то зэканоміце амаль у два разы.