Грэцыя першая з праваслаўных краін узаконіла аднаполыя шлюбы
Грэцыя прызнала аднаполыя шлюбы, ілюстрацыйнае фота / pixabay.com
15 лютага парламент Грэцыі большасцю галасоў легалізаваў аднаполыя шлюбы і ўсынаўленне дзяцей аднаполымі сем'ямі, перадае Бі-Бі-Сі. За новы закон прагаласавалі 176 з 245 прысутных дэпутатаў.
Грэцыя першая з праваслаўных краін узаконіла аднаполыя шлюбы. У агульным жа спісе такіх краін яна стала 37-й.
У падтрымку гэтага закона выступаў прэм'ер-міністр Кірыякас Міцатакіс — лідар кансерватыўнай партыі "Новая дэмакратыя".
Пры гэтым дзясяткі дэпутатаў ад партыі прэм'ера выступалі супраць легалізацыі аднаполых шлюбаў. А падтрымалі новы закон дэпутаты ад апазіцыі, у тым ліку ад левай партыі СІРЫЗА. Яе ўзначальвае гей Стэфанас Каселакіс.
