КДБ вярнуў газеце "Ганцавіцкі час" канфіскаваную летам тэхніку
Рэдакцыя газеты "Ганцавіцкі час" / ganc-chas.by
Рэдакцыі і журналістам газеты "Ганцавіцкі час" у Ганцавічах, Брэсце і Івацэвічах вярнулі камп'ютары і іншую апаратуру, якую раней канфіскаваў КДБ, паведамляе Беларуская асацыяцыя журналістаў у пятніцу.
Тэхніка была канфіскаваная падчас ператрусаў 9 ліпеня 2021 года. Ператрусы ў журналістаў праводзіў КДБ як у сведкаў па крымінальнай справе "Акт тэрарызму".
Па словах прадстаўніка рэдакцыі Паўла Дайліда, журналісты да гэтай справы "не мелі не тое што адносінаў, але ўпершыню даведаліся пра нейкія тэлеграм-каналы падчас ператрусаў, пра якія раней і не чулі".
За апошні год у рэдакцыі і ў асобных супрацоўнікаў "Ганцавіцкага часу" і сайта "Першы Рэгіён" прайшло больш за 15 ператрусаў.
