Кіраўнік МЗС Венгрыі прыехаў у Беларусь, каб "прадставіць мірную пазіцыю"
Петэр Сіярта / twitter.com/belarusmid
У Мінск з працоўным візітам прыляцеў міністр замежных спраў і знешнеэканамічных сувязяў Венгрыі Петэр Сіярта, паведамляе МЗС Беларусі.
У яго запланаваныя перамовы з міністрам замежных спраў нашай краіны Сяргеем Алейнікам і міністрам эканомікі Аляксандрам Чарвяковым.
Сам Сіярта ў Фэйсбуку патлумачыў мэту свайго візіту: "Відавочна, што многія нападуць на мяне праз візіт, але наша пазіцыя зразумелая: каналы сувязі трэба трымаць адкрытымі. Калі б мы не паводзілі сябе так, я б таксама сёння не змог данесці пасланне заклікі да міру".
Ён заявіў, што будзе размаўляць пра вайну ва Украіне і прадстаўляць на перамовах у Мінску мірную пазіцыю. "Венгрыя чакае, што ўсе чальцы міжнароднай супольнасці будуць дзейнічаць для забеспячэння неадкладнага міру і пазбягання крокаў, якія могуць падоўжыць або эскаліраваць вайну", — падкрэсліў венгерскі міністр.
