Кніга палітвязня Максіма Знака "Зэкамерон" увайшла у шорт-ліст брытанскай прэміі
Вокладка кнігі Максіма Знака "Зэкамерон" у англійскім перакладзе / scotlandstreetpress.com
Дакументальны раман Максіма Знака "Зэкамерон" увайшоў у шорт-ліст брытанскай Прэміі Рэспублікі Свядомасці (Republic of Consciousness Prize). У ёй штогод узнагароджваюць мастацкую літаратуру, выдадзеную невялікімі выдавецтвамі Вялікабрытаніі і Ірландыі, піша bellit.info.
Твор беларускага палітвязня стаў адным з пяці асноўных прэтэндэнтаў на ўзнагароду. "Зэкамерон" у перакладзе Джыма і Элы Дзінглі выйшаў у выдавецтве Scotland Street Press.
"Падманліва лёгкія, але моцныя гісторыі зняволенага беларускага юрыста і актывіста. Сапраўды важная кніга", — рэзюмуе журы прэміі.
Удзельнік штаба Віктара Бабарыкі Максім Знак знаходзіцца ў зняволенні з 9 верасня 2020 года. Ён асуджаны закрытым судом на 10 гадоў калоніі.
