Квір-сем'і засталіся без дакументаў дзяцей, а Трамп прагуляў дэбаты — #ІхНоравы
![Кароткі агляд цікавых сусветных навін / калаж Улада Рубанава, Еўрарадыё](/sites/default/files/styles/gallery_main/public/2023-08/220_2.jpg.webp?itok=GSFOKpMT)
Кароткі агляд цікавых сусветных навін / калаж Улада Рубанава, Еўрарадыё
У Італіі і іншых краінах праходзяць пратэсты ў падтрымку ЛГБТ-сем'яў з дзецьмі, а гіганцкі ледакол не можа даплысці да запраўкі праз свой памер. Гэта і не толькі — у традыцыйным аглядзе цікавых міжнародных навін ад Еўрарадыё за 24 жніўня.
Ледакол пацярпеў праз свае памеры
Ад завялікіх габарытаў часам пакутуюць не толькі людзі, але і караблі. Так, новы аўстралійскі ледакол RSV Nuyina коштам 528 мільёнаў долараў не змог прайсці пад адным з мастоў. Плыць ён планаваў на дазапраўку.
![Ледакол RSV Nuyina](/sites/default/files/styles/default_image_paragraph/public/paragraphs/image/2783.jpg.webp?itok=1q2s_ni-)
Рэч у тым, што карабель даўжынёй 160 метраў занадта вялікі, і праход пад мостам быў небяспечны. Каб заправіцца, яму цяпер трэба плыць лішнія 100 кіламетраў. Прыхільнікі караблёў з трывогай сочаць за яго лёсам.
Галівудскія сцэнарысты злуюцца мацней
Ужо больш за 100 дзён галівудскія сцэнарысты пратэстуюць і патрабуюць павышэння аплаты працы, нядаўна да іх далучыліся акцёры. Нарэшце паміж прадстаўнікамі Асацыяцыі сцэнарыстаў і кінастудыямі адбылася сустрэча. Але ўсё пайшло не так: як піша The Washington Post, пасля перамоваў сцэнарысты "выбухнулі ад ярасці".
![Протесты в Италии в поддержку ЛГБТ-родителей](/sites/default/files/styles/default_image_paragraph/public/paragraphs/image/4724.jpg.webp?itok=pb-is8m5)
Гэтага мала: у некаторых рэгіёнах ужо пачалі перарабляць выдадзеныя пасведчанні аб нараджэнні. Вось у Італіі і пратэстуюць — і ў многіх краінах таксама на знак салідарнасці.
Трамп не прыйшоў на дэбаты — і перамог
Першыя дэбаты ў рамках праймерыз (выбараў кандыдата ў прэзідэнты) Рэспубліканскай партыі ЗША звычайна ўжо могуць паказаць, хто відавочны фаварыт у гонцы. І, пішуць амерыканскія выданні, як ліберальныя, так і кансерватыўныя, перамог па выніках дэбатаў Дональд Трамп. Хаця ён нават не ўдзельнічаў.
Другое месца аналітыкі аддаюць прадпрымальніку з індыйскімі каранямі Вівеку Рамасвамі. І погляды ў яго своеасаблівыя: напрыклад, ідэя пераканаць Кіеў "аддаць" частку акупаваных тэрыторый Расіі, а потым паспрабаваць паўплываць на адносіны Масквы і Пекіна.
![Дэбаты на праймерыз Рэспубліканскай партыі](/sites/default/files/styles/default_image_paragraph/public/paragraphs/image/01000000-0aff-0242-6521-08dba3ad.jpg.webp?itok=Xm8Ia6yD)
Што астатнія? Сумнеўныя заявы былі наогул ва ўсіх: кандыдаты-рэспубліканцы не вераць у глабальнае пацяпленне, падтрымліваюць забарону абортаў, выступаюць супраць прасоўвання роўнасці і інклюзіўнасці. Дэ-факта пасля Трампа ўсе ключавыя кандыдаты падобныя да Трампа, і ў выніку менавіта Трамп выйграе. Праўда, пакуль апытанні паказваюць, што калі б выбары былі заўтра і за пасаду прэзідэнта змагаліся Трамп і Джо Байдэн, апошні б перамог, хай і з невялікай перавагай.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.