Літва спыніла транзіт беларускага рапсавага алею
Сыравіну прывезлі з акупаванай расіянамі тэрыторыі Украіны / lrt.lt
Літва спыніла транзіт беларускага рапсавага алею. Журналісты высветлілі, што кампанія "Аграпрадукт" вырабляе яго з сыравіны, вырашчанай на акупаваных украінскіх тэрыторыях, піша lrt.lt.
На мінулым тыдні на станцыі Кяна былі затрыманыя восем вагонаў з беларускім рапсавым алеем, якія накіроўваліся ў порт Клайпеды. За 2024 годзе транзітам праз Літву прайшло амаль 50 тысяч тон алею пад брэндам "Аграпрадукт". Паводле даных Беларускай чыгункі, яго было значна больш.
Даччыная кампанія дзяржаўных "Літоўскіх чыгунак" LTG Cargo аб'явіла, што правядзе ўнутранае расследаванне. І перапыніла перавозкі. Журналістам там расказалі, што не ведалі пра паходжанне сыравіны з акупаванай Расіяй часткі Херсонскай вобласці Украіны.
