Мастак Аляксей Марачкін адзначае 85-годдзе

Трыццатага сакавіка адзначае юбілей адзін з самых яркіх мастакоў сучаснай Беларусі Аляксей Марачкін (Алесь Мара). Сёння яму споўнілася 85 гадоў. Цікава, што ў сетцы ёсць і іншая дата – 10 сакавіка. Гэта нейкая памылка?

— Так ужо атрымалася, што дакументы пра мой дзень нараджэння не захаваліся, — распавядаў неяк Аляксей Марачкін у інтэрв'ю Радыё Свабода. — Калі я пайшоў у школу, мяне папрасілі запоўніць анкету. Я ведаў, якога я года і памятаў месяц сакавік. Для мяне гэта заўсёды асацыявалася з гуканнем вясны, і я назваў дату прыблізнай.

Тады мая маці сказала, што я нарадзіўся ў дзень святога Аляксея, божага чалавека. І тады я падлічыў, што гэты дзень прыпадае на 30 сакавіка. Так што я святкую цэлых дваццаць дзён — з 10 па 30 сакавіка…

Аляксей Марачкін (Алесь Мара) — беларускі мастак, жывапісец, педагог, грамадскі дзеяч, член Саюза мастакоў. Ён быў галоўным мастаком Мастацкага фонду. У 1988–1997 гадах працаваў у Беларускай акадэміі мастацтваў як загадчык кафедрай жывапісу. Адзін з заснавальнікаў і першы старшыня мастацкага таварыства "Пагоня".