Лукашэнка нічога не вырашае ў міграцыйным крызісе — эксперт
Цяпер міграцыйны крызіс правакуе Расія
Аляксандр Лукашэнка дзейнічае несамастойна, арганізуючы міграцыйны крызіс, хаця спачатку гэта была менавіта яго ідэя. Такую думку ў эфіры Еўрарадыё агучыў гісторык і публіцыст Аляксандр Фрыдман.
— “Міграцыйны крызіс імя Лукашэнкі” скончыўся вялікай паразай беларускіх уладаў. Лукашэнка сваіх мэтаў не дабіўся, а потым быў вымушаны дзейнічаць асцярожней, каб не справакаваць новыя санкцыі.
Але, паводле эксперта, цяпер Лукашэнка нічога не вырашае самастойна: калі Пуцін захоча эскалыцыі на мяжы, то новыя ўцекачы будуць прыходзіць і прыходзіць.
— Калі ў 2021 годзе Масква проста назірала, як Лукашэнка правакуе крызіс, то цяпер пераважная большасць тых, хто прызджае ў Еўропу, мае расійскія візы. Яны атрымліваюць іх у сваіх краінах, прылятаюць у Маскву, а далей скіроўваюцца ў Беларусь. То-бок цяпер Расія не проста назірае, а яшчэ і актыўна ўдзельнічае ў гэтым крызісе.
