Лукашэнка западозрыў, што ў Акадэміі навук яго падманваюць
Акадэмія навук / днп.бел
Аляксандр Лукашэнка западозрыў, што ў Акадэміі навук яго падманваюць. Напрыклад, з распрацоўкай "уласнага" электрамабіля. А яшчэ з "уласнымі" беспілотнікамі.
"Дай Божа, каб было так, як нам кіраўнік Акадэміі навук дакладвае: яны сёння робяць усё — ад беспілотнікаў да вырабаў з сухога малака, якія прадаюць у Кітай. Робяць усё. Паглядзім, ці так гэта. Я маю на ўвазе электрамабілі і гэтак далей", — кажа ён. Узімку акадэмікаў чакае праверка.
На тое, што пры цяперашнім кіраўніку АН Уладзіміры Гусакове там адбываецца ў асноўным імітацыя бурнай дзейнасці, у стрыме Еўрарадыё нядаўна звяртаў увагу незалежны аналітык Сяргей Чалы.
