Майнінгавыя фермы будуць будаваць у Магілёўскай вобласці
Майнінгавыя фермы будуць узводзіць на Магілёўшчыне, ілюстрацыйнае фота / pixabay.com
У Магілёўскай вобласці рыхтуюць пляцоўкі для будаўніцтва майнінгавых фермаў. Пра гэта журналістам расказаў старшыня Магілёўскага аблвыканкама.
Паводле яго, згоду на такі праект даў Лукашэнка. "У нас у Магілёўскай вобласці ёсць добрыя пляцоўкі з энергетычнымі магутнасцямі, усё неабходнае для таго, каб будаваць дата-цэнтры, майнінгавыя фермы", — прыводзіць дзяржагенцтва БЕЛТА словы кіраўніка Магілёўшчыны.
Чыноўнік дадаў, што плануецца арганізоўваць конкурсы, "каб заходзіў інвестар і займаўся будаўніцтвам" майнінгавых фермаў.
Летась стала вядома, што ў Крычаўскім раёне будуецца першая ў вобласці майнінгавая ферма з удзелам кітайскіх інвестараў. Кошт першай чаргі, якая павінна быць уведзеная ў 2025 годзе, складае 190 млн рублёў.
