Медуніверсітэт павялічвае набор на мэтавае навучанне
Студэнтаў спрабуюць "прывязаць" / pixabay.com
Беларускі дзяржаўны медуніверсітэт плануе значна павялічыць набор на мэтавае навучанне. Гэта значыць, што месцаў на бюджэце стане яшчэ менш.
Летась у медуніверсітэтах краіны мэтавікам аддалі каля 70% бюджэтных месцаў. Цяпер іх стане яшчэ больш. Адпаведна, колькасць бюджэтных месцаў на агульны конкурс скароціцца.
Каб паступіць на мэтавае навучанне, абітурыенту неабходна знайсці заказчыка — арганізацыю, якая пасля вучобы гарантуе яму працоўнае месца. Студэнт будзе вучыцца за кошт дзяржавы, але пасля абавязаны адпрацаваць у арганізацыі, якая яго накіравала, не менш за 5 гадоў. Калі ён скасоўвае дамову раней, давядзецца “кампенсаваць выдаткі” за бясплатнае навучанне.
Рэжым Лукашэнкі публічна не прызнае недахоп медыцынскіх кадраў у краіне (яны ёсць і ў сталіцы, і ў рэгіёнах). Але відавочна, што хоча "прывязаць" маладых спецыялістаў і не даць ім з'ехаць за мяжу або сысці ў прыватную медыцыну.
