Мінус амаль 1200 спецыялістаў за месяц — беларуская IT-сфера губляе людзей
![Не выключана, што адток IT-спецыялістаў з Беларусі паскорыцца / pixabay.com](/sites/default/files/styles/gallery_main/public/2023-08/it_13_05_2.jpg.webp?itok=VB6sQYg_)
Не выключана, што адток IT-спецыялістаў з Беларусі паскорыцца / pixabay.com
У сакавіку са сферы IT у Беларусі звольніліся 1197 чалавек. Такога не было ні ў пратэсным 2020-ым годзе, ні ў перадваенным 2021-ым, адзначае рэсурс naszyhroszy.
Апошнія 10 гадоў колькасць занятых у IT стабільна расла — пры тым, што агульная колькасць занятых у эканоміцы Беларусі зніжалася (прыкладна на 9%). Колькасць айцішнікаў за гэты ж перыяд павялічылася на 70%. Да канца 2021-га года іх была 141 тысяча.
Пераломным момантам, адзначаюць аўтары рэсурсу, відаць, зрабіўся пачатак вайны Расіі супраць Украіны, саўдзел Беларусі ў гэтай кампаніі і ўвядзенне санкцыі супраць РБ і РФ.
Гэтыя санкцыі вядуць да таго, што адток спецыялістаў працягнецца і, хутчэй за ўсё, нават паскорыцца. "Працуе тое, што можна назваць "рэпутацыяй" — усё менш кампаній гатовыя ёй рызыкаваць і супрацоўнічаць з партнёрамі з Расіі і Беларусі", — піша рэсурс.
![Минус почти 1200 специалистов за месяц — белорусская IT-сфера теряет людей](/sites/default/files/paragraphs/image/it1305.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.