МЗС Аўстрыі і кіраўніцтва Бі-бі-сі асуджаюць пераслед журналістаў у Беларусі
Затрыманне журналістаў 27 жніўня / "Наша ніва"
Міністэрства замежных спраў Аўстрыі і кіраўніцтва Бі-бі-сі асуджаюць пераслед журналістаў у Беларусі. Адпаведныя заявы з'явіліся ў іх афіцыйных акаўнтах ў Twitter.
"Аўстрыя асуджае гэтую абуральную спробу стрымаць аб'ектыўнае асвятленне падзей і заклікае ўлады Беларусі неадкладна спыніць пераслед журналістаў", — напісаў МЗС Аўстрыі.
Stripping journalists, incl. those working for foreign media, off their accreditation, is an unprecedented attack on media freedom. Austria condemns this blatant attempt to suppress objective reporting and calls on Belarusian authorities to immediately stop targeting journalists!
— MFA Austria (@MFA_Austria) August 29, 2020
А Бі-бі-сі "самым рашучым чынам асуджае гэта падаўленне незалежнай журналістыкі і заклікае ўлады Беларусі адклікаць сваё рашэнне і дазволіць журналістам працягваць выконваць сваю працу".
Statement on #BBC journalists in #Belarus pic.twitter.com/xUwMaWXFDd
— BBC News Press Team (@BBCNewsPR) August 29, 2020
Раней амбасада ЗША ў Беларусі асудзіла пераслед і затрыманне журналістаў у нашай краіне. Раніцай 29 жніўня стала вядома, што замежных журналістаў у Беларусі масава пазбаўляюць акрэдытацыі. Рашэннем міжведамаснай камісіі па супрацьдзеянні экстрэмізму іх акрэдытацыі ў МЗС анулююцца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
