МЗС Ізраіля абвінаваціў Лукашэнку ў антысемітызме
Лукашэнка / president.ir
Міністр замежных спраў Ізраіля абвінаваціў Лукашэнку ў антысемітызме. Як заявіў Ісраэль Кац "заявы Лукашэнкі з'яўляюцца непрымальнымі і абуральнымі, а яго заўвагі гучаць як выразны антысемітызм".
Справа ў словах Лукашэнкі з апошняй антыкарупцыйнай нарады, дзе той, гаворачы пра карупцыянераў, заявіў "тры дзясяткі чалавек пералічаныя. Вы мне прабачце, я не антысеміт, але больш за палову яўрэяў. Гэта што, у нас асаблівае, прывілеяванае становішча займаюць, што яны крадуць і не думаюць пра сваю будучыню?"
Гэта далёка не першы выпадак, калі Лукашэнка дазваляе сабе антысеміцкія выказванні. Гэтым не грэбуе і ягоная прапаганда, якая працуе дзеля галоўнага гледача і размаўляе на той мове варожасці, якую ён сам выкарыстоўвае.
