Нямецкаму дэпутату далі вялікі штраф за цыбульны бізнес у Беларусі
Ёрг Дорнау і Юрый Куніцкі — сузаснавальнікі фірмы "Цыбулька-Бел" / sb.by
Дэпутат ад папулісцкай партыі "Альтэрнатыва для Германіі" Ёрг Дорнау павінен заплаціць штраф у 20 682 еўра за непаведамленне пра бізнес у Беларусі. Такое рашэнне прыняў прэзідыум парламента зямлі Саксонія ў Германіі, піша DW.
Гэты штраф адпавядае заробку Дорнау за тры месяцы.
Палітык не паведаміў пра свой удзел у кампаніі ТАА "Цыбулька-Бел" у прызначаны законам тэрмін. Гэтым ён парушыў свае абавязацельствы па справаздачнасці, вызначаныя Законам аб парламенце Саксоніі.
Сазладальнікам кампаніі "Цыбулька-Бел" у Лідскім раёне Дорнау стаў у кастрычніку 2020 года. Фірма вырошчвае на продаж цыбулю і іншую гародніну.
Нямецкія СМІ адзначаюць, што Дорнау некалькі разоў сустракаўся з прыхільнікамі Аляксандра Лукашэнкі, не паведамляюцчы пра гэтыя сустрэчы. Таксама яго вінавацяць у прасоўванні інтарэсаў рэжыму Лукашэнкі "ў абмен на добразычлівае стаўленне да яго як да прадпрымальніка".
"Ніхто не можа проста паехаць у дыктатуру Беларусі і стварыць там ферму, асабліва ніхто з Нямеччыны", — каментуе пастанову лідар левай фракцыі ў парламенце Саксоніі Рыка Гебхарт.
