Паказалі фрагменты самалёта са зброяй, які знайшлі ў Полацкім раёне
На месцы знаходкі ўсталявалі відэаназіранне / БЕЛТА
Паказалі фрагменты самалёта часоў Другой сусветнай вайны са зброяй, які знайшлі ў лесе на балоце ў Азінскім сельсавеце ў Полацкім раёне. Спачатку там пабывалі міліцыянты і сапёры. Яны забралі зброю і боепрыпасы. На месцы ўсталявалі відэаназіранне.
У бліжэйшы час фрагменты самалёта збяруць і перададуць у Музей баявой славы. У Полацкім райвыканкаме ў гэтай справе ўжо некалькі разоў збіралася спецыяльна створаная рабочая група, у якую ўвайшлі чыноўнікі і сілавікі. Быў вызначаны "алгарытм далейшых дзеянняў".
Папярэдні раз самалёт пад Полацкам знайшлі ў 2022 годзе, праводзіліся раскопкі.
