Пасля візіту Абельскай "зачысцілі" віцебскую хуткую дапамогу — "Белыя халаты"
Бальніца хуткай дапамогі ў Віцебску / Яндэкс
У бальніцы хуткай меддапамогі Віцебска адбыліся масавыя звальненні кіраўніцтва, піша тг-канал "Белыя халаты".
Гэта адбылося пасля праверкі па аказанні экстраннай дапамогі, якую ўзначальвала Ірына Абельская — галоўны лекар Рэспубліканскага медцэнтра Упраўлення справамі Лукашэнкі і маці Мікалая Лукашэнкі.
У выніку праверкі, як сцвярджаецца, былі знятыя з пасадаў галоўны лекар Андрэй Захараў, галоўная медсястра Надзея Рыбалка, загадчык аддзялення анестэзіялогіі і рэанімацыі Васіль Мусійчук.
Выканаўцам абавязкаў галоўнага лекара прызначаны намеснік галоўнага лекара па медыцынскай частцы Аляксандр Віннікаў.
