Полк Каліноўскага паведамляе пра магчымую смерць траіх байцоў
Беларускі полк Кастуся Каліноўскага, які ваюе на баку Украіны, паведамляе пра магчымую смерць траіх байцоў. У прэс-службе палка падкрэсліваюць, што два байцы па-ранейшаму лічацца знікымі без вестак, аднак прааналізаваўшы фота і відэа расійскіх тэлеграм-каналаў, у палку прыходзяць да высновы, што каліноўцы, падобна, загінулі.
Гаворка ідзе пра Васіля Парцянкова з пазыўным "Сябро" і Вадзіма Шатрова — пазыўны "Папік". Яшчэ адзін ваяр — Васіль "Атам" Грудовік атрымаў несумяшчальныя з жыццём раны падчас боя. Эвакуяваць яго цела ў тых умовах не было магчымасці.
У палку падкрэсліваюць, што ў іх няма цел ніводнага з пералічаных байцоў. Па меры паступлення інфармацыі пра іх лёс, яна будзе публічна агучаная.
26 чэревня на полі боя пад Лісічанскам загінуў камандзір батальёна "Волат" Іван "Брэст" Марчук. У групе Марчука было 10 байцоў. Двое з іх — Ян Дзюбейка і Сяргей Дзягцёў — патрапілі ў плен. Пяцёра каліноўцаў вярнуліся з задання жывымі.
