Прамы рэпартаж з Кастрычніцкай плошчы
Моладзевыя актывісты вырашылі ўзгадаць 19 сакавіка мінулага года, дзень прэзідэнцкіх выбараў, і сабраліся ў Мінску на Кастрычніцкай плошчы. Там прысутнічае і наш карэспандэнт Зміцер Траўчук.
- Зміцер, раскажы, калі ласка, дзе ты цяпер знаходзішся і што там адбываецца?
- Я цяпер на Кастрычніцкай плошчы, празванай мінулай вясной плошчай Каліноўскага. Тут сабралося каля 40 актывістаў, у асноўным з “Маладога фронту”, каб узгадаць падзеі 19 сакавіка мінулага года, мітынг, які адбыўся пасля прэзідэнцкіх выбараў.
- Што яны цяпер робяць?
- Ходзяць з двума бел-чырвона-белымі сцягамі. Скандуюць “Жыве Беларусь!”, “Застаемся!” Сярод эліты беларускай апазіцыі заўважаны лідэр Партыі камуністаў Сяргей Калякін з чырвоным гваздзіком, адзін з кіраўнікоў Беларускай сацыял-дэмакратычнай партыі (Грамада) Анатоль Ляўковіч, старшыня Аб’яднанай грамадзянскай партыі Анатоль Лябедзька, а таксама кіраўнік аб’яднання прадпрымальнікаў “Перспектыва” Анатоль Шумчанка.
- Ці прысутнічаюць на плошчы праваахоўныя органы?
- Так. У форме прадстаўнікоў АМАПу чалавек 10-15. Але большасць людзей з выразнымі тварамі з навушнікам у адным вуху. Іх нашмат больш, чалавек 30-40. У метрах 20 знаходзіцца так званая “каробачка” - новы аўтамабіль МАЗа для перавозкі дэманстрантаў, як гэта высветлілася летась.
- Яны прымаюць якія-небудзь дзеянні?
- Пакуль не, толькі адзін чалавек з мегафонам загадвае прысутным разысціся. Працытую: “Тыя, хто застануцца на плошчы, будуць прыцягнутыя да адказнасці па законе”.
- Які настрой ва ўдзельнікаў акцыі? Колькі яны яшчэ збіраюцца прабыць на плошчы?
- Настрой бадзёры, але іх бяруць у кола, не даюць выйсці, не дазваляюць павесіць сцяг на слуп. Тут шмат прэсы, а таксама прадстаўнікі Хельсінскага камітэту.
***
- Зміцер, што там адбываецца, як развіваюцца падзеі?
- Людзі ўзяліся за рукі, АМАПаўцы выціснулі іх з плошчы, павялі па праспекце да цырка, павярнулі на вуліцу Янкі Купалы, зараз мы праходзім па мосце над Свіслаччу. Ідзем, так атрымалася, у бок Амерыканскай амбасады.
- Колькі чалавек прыкладна рухаецца ў гэтым напрамку?
- Разам з прадстаўнікамі прэсы чалавек 100-150.
- Ці кажуць што-небудзь прадстаўнікі АМАПу?
- Пакуль не. Мегафон апошні раз мы чулі на плошчы.
- Яны проста рухаюцца ззаду?
- Не, яны рухаюцца па перыметры. Удзельнікам немагчыма нікуды сысці. Нават мінакі трапляюць у гэтую калону. Нікуды падзецца нельга, а куды мы ідзём, пакуль невядома.
- То бок, удзельнікі акцыі не ведаюць, куды яны будуць рухацца?
- Яны рухаюцца ў тым напрамку, куды ім дазваляюць супрацоўнікі міліцыі.
***
- Зміцер, раскажы, калі ласка, як развіваліся падзеі пасля нашай апошняй размовы?
- Справа ў наступным: дэманстранты ў суправаджэнні журналістаў і прадстаўнікоў міліцыі дайшлі дзесьці да сярэдзіны вуліцы Багдановіча, не даходзячы да рэстарана “Белая вежа”. Пасля гэтага забралі некалькі чалавек - проста завялі ў двары. Што было там далей, невядома. У двары не пускалі. Астатніх людзей проста выціснулі ў розныя бакі. Хтосьці сеў у тралейбус… Вось, дарэчы, толькі што каля мяне праехала тая самая “каробачка”- МАЗ… Астатнія людзі разышліся спакойна. Нікога больш не затрымлівалі.
- А колькі чалавек было затрымана?
- Дакладна невядома, таму што выцягвалі проста з натоўпу. Але калі паглядзець, колькі чалавек пасля засталося, то затрымалі максімум чалавек 10.
- Ці казалі яшчэ што-небудзь прадстаўнікі міліцыі?
- Не, не было ніякіх заклікаў разыходзіцца. Людзі самі павольна разышліся.
- Акцыя ўжо завершаная, так?
- Так. Можна сказаць, што яна доўжылася роўна гадзіну. А 20-й гадзіне пачалася на Кастрычніцкай плошчы і скончылася на вуліцы Багдановіча роўна а 21-й гадзіне.
Фота — photo.bymedia.net
- Зміцер, раскажы, калі ласка, дзе ты цяпер знаходзішся і што там адбываецца?
- Я цяпер на Кастрычніцкай плошчы, празванай мінулай вясной плошчай Каліноўскага. Тут сабралося каля 40 актывістаў, у асноўным з “Маладога фронту”, каб узгадаць падзеі 19 сакавіка мінулага года, мітынг, які адбыўся пасля прэзідэнцкіх выбараў.
- Што яны цяпер робяць?
- Ходзяць з двума бел-чырвона-белымі сцягамі. Скандуюць “Жыве Беларусь!”, “Застаемся!” Сярод эліты беларускай апазіцыі заўважаны лідэр Партыі камуністаў Сяргей Калякін з чырвоным гваздзіком, адзін з кіраўнікоў Беларускай сацыял-дэмакратычнай партыі (Грамада) Анатоль Ляўковіч, старшыня Аб’яднанай грамадзянскай партыі Анатоль Лябедзька, а таксама кіраўнік аб’яднання прадпрымальнікаў “Перспектыва” Анатоль Шумчанка.
- Ці прысутнічаюць на плошчы праваахоўныя органы?
- Так. У форме прадстаўнікоў АМАПу чалавек 10-15. Але большасць людзей з выразнымі тварамі з навушнікам у адным вуху. Іх нашмат больш, чалавек 30-40. У метрах 20 знаходзіцца так званая “каробачка” - новы аўтамабіль МАЗа для перавозкі дэманстрантаў, як гэта высветлілася летась.
- Яны прымаюць якія-небудзь дзеянні?
- Пакуль не, толькі адзін чалавек з мегафонам загадвае прысутным разысціся. Працытую: “Тыя, хто застануцца на плошчы, будуць прыцягнутыя да адказнасці па законе”.
- Які настрой ва ўдзельнікаў акцыі? Колькі яны яшчэ збіраюцца прабыць на плошчы?
- Настрой бадзёры, але іх бяруць у кола, не даюць выйсці, не дазваляюць павесіць сцяг на слуп. Тут шмат прэсы, а таксама прадстаўнікі Хельсінскага камітэту.
***
- Зміцер, што там адбываецца, як развіваюцца падзеі?
- Людзі ўзяліся за рукі, АМАПаўцы выціснулі іх з плошчы, павялі па праспекце да цырка, павярнулі на вуліцу Янкі Купалы, зараз мы праходзім па мосце над Свіслаччу. Ідзем, так атрымалася, у бок Амерыканскай амбасады.
- Колькі чалавек прыкладна рухаецца ў гэтым напрамку?
- Разам з прадстаўнікамі прэсы чалавек 100-150.
- Ці кажуць што-небудзь прадстаўнікі АМАПу?
- Пакуль не. Мегафон апошні раз мы чулі на плошчы.
- Яны проста рухаюцца ззаду?
- Не, яны рухаюцца па перыметры. Удзельнікам немагчыма нікуды сысці. Нават мінакі трапляюць у гэтую калону. Нікуды падзецца нельга, а куды мы ідзём, пакуль невядома.
- То бок, удзельнікі акцыі не ведаюць, куды яны будуць рухацца?
- Яны рухаюцца ў тым напрамку, куды ім дазваляюць супрацоўнікі міліцыі.
***
- Зміцер, раскажы, калі ласка, як развіваліся падзеі пасля нашай апошняй размовы?
- Справа ў наступным: дэманстранты ў суправаджэнні журналістаў і прадстаўнікоў міліцыі дайшлі дзесьці да сярэдзіны вуліцы Багдановіча, не даходзячы да рэстарана “Белая вежа”. Пасля гэтага забралі некалькі чалавек - проста завялі ў двары. Што было там далей, невядома. У двары не пускалі. Астатніх людзей проста выціснулі ў розныя бакі. Хтосьці сеў у тралейбус… Вось, дарэчы, толькі што каля мяне праехала тая самая “каробачка”- МАЗ… Астатнія людзі разышліся спакойна. Нікога больш не затрымлівалі.
- А колькі чалавек было затрымана?
- Дакладна невядома, таму што выцягвалі проста з натоўпу. Але калі паглядзець, колькі чалавек пасля засталося, то затрымалі максімум чалавек 10.
- Ці казалі яшчэ што-небудзь прадстаўнікі міліцыі?
- Не, не было ніякіх заклікаў разыходзіцца. Людзі самі павольна разышліся.
- Акцыя ўжо завершаная, так?
- Так. Можна сказаць, што яна доўжылася роўна гадзіну. А 20-й гадзіне пачалася на Кастрычніцкай плошчы і скончылася на вуліцы Багдановіча роўна а 21-й гадзіне.
Фота — photo.bymedia.net
