Прэзідэнт Польшчы ўзнагародзіў экс-дырэктарку тэлеканала "Белсат"
Агнешка Рамашэўская-Гузы / Belsat
Экс-дырэктарка тэлеканала "Белсат" Агнешка Рамашэўская-Гузы атрымала дзяржаўную ўзнагароду Польшчы, паведамляе канцылярыя прэзідэнта краіны.
Дзяржаўныя ўзнагароды польскі лідар Анджэй Дуда ўручыў падчас цырымоніі, арганізаванай з нагоды Дня незалежнасці краіны.
Экс-кіраўніца "Белсата" атрымала афіцэрскі крыж Ордэна Адраджэння Польшчы "за выдатны ўклад у развіццё незалежнай журналістыкі і свабодных СМІ, за дасягненні ў прасоўванні дэмакратычных каштоўнасцяў і ўнёсак у будаўніцтва грамадзянскай супольнасці".
Агнешка Рамашэўская-Гузы кіравала тэлеканалам са снежня 2007 года. Яна пакінула пасаду ў рамках працэсаў рэструктурызацыі, якія прайшлі на польскім тэлебачанні вясной 2024 года.
