Прыкметна знізілася колькасць беларусаў, якія зрабілі прышчэпку ад грыпу
План па вакцынацыі даволі сціплы (ілюстрацыйнае фота) / pixabay.com
У Беларусі прыкметна знізілася колькасць людзей, якія зрабілі прышчэпку ад грыпу. Як заявілі ў панядзелак у Мінздароўя, вакцыну атрымалі каля 1 млн 250 тысяч чалавек, а актыўная кампанія па імунізацыі працягваецца да канца лістапада.
Для параўнання: у 2019-м у нашай краіне прышчэпку ад грыпу зрабілі 3,8 млн чалавек, у 2018-м — больш за 3,4 млн, а ў 2017-м — больш за 3,8 млн.
Не атрымліваецца выканаць план па вакцынацыі нават з улікам таго, што ён на 2024 год даволі сціплы: "больш за 2 мільёны чалавек".
