Сезон прастуд: ці дапамогуць аскарбінка, часнок і эхінацыя?

Прыём гэтага вітаміну не зашкодзіць, калі не перавышаць межы разумнага, але навукоўцы кажуць, што і карысці ў прадухіленні прастуд ад гэтага будзе вельмі мала.

Так, у 2007 годзе навукоўцы зрабілі агляд трох дзясяткаў даследаванняў, якія ахапілі каля 11 тысяч чалавек.
Пытанне было такое: ці можа штодзённы прыём аскарбінавай кіслаты знізіць частату, працягласць або цяжкасць прастуды.

Адказ: уплыў настолькі нязначны, што яго, лічы, і няма.

У тых, хто прымаў вітамін, працягласць прастуды была на 8% (дарослыя) або 14% (дзеці) менш, адзіным выключэннем былі прафесійныя бегуны — для іх карысць чамусьці была вышэй.

У цэлым лічыцца, што вітамін С можа зусім нязначна знізіць працягласць прастуды (з 10 да 9 дзён) або цяжар сімптомаў. Словам, не нашкодзіць, але на дзівоснае выратаванне спадзявацца таксама не варта.

Часнок

Часнок багаты на антыаксіданты, у ім шмат вітаміна С і вітамінаў групы B — гэта карысны дадатак да ежы... але вось на лячэнне ад хвароб ён не ўплывае.

Дзесяць гадоў таму навукоўцы ацанілі ўплыў часнаку на прастудныя захворванні і падрыхтавалі Какрэйнаўскі агляд — гэта значыць з пункту гледжання строгай навукі праверылі розныя даследаванні і выпрабаванні. З мноства толькі адно даследаванне даводзіла невялікае зніжэнне захворвання ў тых, хто ўжываў часнок, але доказы былі нізкай якасці.

Ніякіх доказаў таго, што часнок змяншае цяжар сімптомаў або скарачае працягласць хваробы, няма.

Эхінацыя

Сярод раслінных аптэчных дабавак часта пры прастудзе могуць параіць эхінацыю. Яе пазіцыянуюць як "стымулятар імуннай сістэмы". Але навуковыя даследаванні расліны не далі ніякіх пераканаўчых доказаў.

У 2013-м быў апублікаваны Какрэйнаўскі агляд, які ацэньваў эфектыўнасць эхінацыі ў параўнанні з плацэба для прафілактыкі і лячэння прастуды: ніякай карысці ў параўнанні з плацэба не было.