Пуцін памяняў амбасадара Расіі ў Беларусі
Новым Надзвычайным і Паўнамоцным Амбасадарам Расійскай Федэрацыі ў Беларусі прызначаны Дзмітрый Мезенцаў. Адпаведны ўказ падпісаў прэзідэнт Расіі Уладзімір Пуцін, паведамляецца на афіцыйным сайце Крамля.
Іншым указам ён вызваліў Міхаіла Бабіча ад абавязкаў расійскага амбасадара ў Беларусі, а таксама ад пасады спецпрадстаўніка прэзідэнта Расіі па развіцці гандлёва-эканамічнага супрацоўніцтва з нашай краінай. Мезенцаў на пасаду спецпрадстаўніка не прызначаны.
Пра адкліканне Бабіча і верагоднае прызначэнне Мезенцава журналістам стала вядома 30 красавіка. Паведамлялася, быццам адклікаць Бабіча ў Пуціна прасіў асабіста Аляксандр Лукашэнка. На пасадзе амбасадара ў Беларусі Бабіч адпрацаваў восем месяцаў.
Пра тое, чым вядомы новы расійскі амбасадар Дзмітрый Мезенцаў, чытайце ў матэрыяле Еўрарадыё.
