Рашэнне аб месцы правядзення ЧС па хакеі прымуць у канцы студзеня

Ужо пасля гэтага ў канцы месяца збярэцца Савет Міжнароднай федэрацыі хакея і прыме рашэнне.

Як вядома, ЧС-2021 павінен быў прайсці ў траўні-чэрвені ў Беларусі і Латвіі. Аднак пасля прэзідэнцкіх выбараў 2020 года ў нашай краіне, жорсткіх разгонаў мірных пратэстоўцаў, шматлікіх затрыманняў, пераследу спартсменаў за іх грамадзянскую пазіцыю сітуацыя змянілася. Латвія адмовілася прымаць чэмпіянат разам з Беларуссю Аляксандра Лукашэнкі. Міжнародная федэрацыя хакея пачала атрымліваць лісты з патрабаваннем адмяніць ЧС у Беларусі ад грамадскіх і палітычных структур, ад прыватных асобаў. Аднак Рэнэ Фазель, у якога сяброўскія адносіны з Лукашэнкам, не спяшаецца адмаўляцца ад планаў правядзення першынства ў Мінску.

З неафіцыйных крыніц вядома, што чэмпіянат свету могуць перанесці ў Чэхію і Славакію. А пакуль Міжнародная федэрацыя хакея кантактуе з нацыянальнымі федэрацыямі, якія маглі б прыняць матчы ЧС. "Гэта будзе сур'ёзным выклікам з фінансавага пункту гледжання", — кажа Фазель.