Расія ўдарыла па цэнтры Чарнігава. Ёсць параненыя і загінулыя
Чарнігаў пасля ўдару ракеты 19 жніўня 2023 года / 24tv.ua
Паводле папярэдніх звестак, Расія атакавала Чарнігаў балістычнай ракетай. Пра гэта паведаміў кіраўнік абласной вайсковай адміністрацыі Вячаслаў Чавус. Ужо вядома пра 5 загінулых і 37 параненых.
Прэзідэнт Украіны Уладзімір Зяленскі паказаў наступствы ракетнага абстрэлу Чарнігава і пацвердзіў, што ёсць загінулыя і параненыя:
— Расійская ракета трапіла проста ў цэнтр горада, у наш Чарнігаў. Плошча, палітэхніка, тэатр. Звычайны суботні дзень, які Расія ператварыла ў дзень болю і страт.
Мясцовая адміністрацыя заклікае гараджан заставацца ў сховішчах.
