70 гадоў таму расстралялі наркама асветы БССР, кіраўніка паўстання ў ГУЛАГу
Уладзімір Півавараў (1904 — 1942) быў арыштаваны ў 1938 годзе, асуджаны на 15 гадоў зняволення.
Тэрмін ён адбываў у канцлагеры "Лесарэйд" Комі АССР на поўначы Расіі. Менавіта там палітычныя зняволеныя (больш за сто чалавек) 24 студзеня 1942 года ўзнялі паўстанне. Яны збіраліся прарвацца на фронт, каб змагацца супраць фашыстаў. Праз некалькі дзён паўстанне было падаўленае войскамі НКВД, 26 яго удзельнікаў, што трапілі ў палон, былі расстраляныя 30 сакавіка 1942 года. Сярод іх быў і Уладзімір Півавараў, адзін з ідэолагаў паўстанцаў.
На здымках: Наркам асветы Уладзімір Півавараў з беларускім пісьменнікам Янкам Нёманскім, 1937 г.; Півавараў у зняволенні пасля жудасных катаванняў, 1939 г. Фота — marakou.by
