Прыблізна 800 беларусам патрабуецца псіхалагічная дапамога пасля тэракту
Паводле ацэнак экспертаў, людзей, якія атрымалі падчас тэракту псіхалагічную траўму, у 3-4 разы больш за тых, хто пацярпеў фізічна.
Усім ім, уключаючы медыкам, што працавалі на месцы, патрэбная псіхалагічная дапамога.
Ізраільскія медыкі, якія кансультавалі беларускіх калег пры аказанні дапамогі пацярпелым ад выбуху ў мінскім метро, папярэдзілі, што колькасць людзей, якія атрымліваюць падчас тэрактаў псіхалагічную траўму, як правіла, у 3-4 разы перавышае колькасць тых, хто атрымаў фізічныя пашкоджанні.
У выніку трагедыі 11 красавіка загінулі 13 чалавек і каля 200 атрымалі траўмы рознай ступені цяжкасці. Значыць, колькасць тых, хто атрымаў псіхалагічную траўму, можа скласці 600-800 чалавек, піша "Ежедневник".
