Некаторых ахвяраў выбуху літаральна нашпігавала гайкамі

Урач-траўматолаг 6-й гарадской клінічнай бальніцы у сваім інтэрнэт-дзённіку апублікаваў рэнгенаўскія і фотаздымкі аднаго з пацярпелых ад выбуху на канцэрце з нагоды Дня незалежнасці.
У размове з Еўрарадыё медык патлумачыў, што ва ўстановах аховы здароўя да гэтай пары не ведаюць, як кваліфікаваць атрыманыя пацярпелымі пашкоджанні - аскепачныя ці агнястрэльныя раненні.
Ён таксама адзначыў, што у 6-ю бальніцу не паступала ахвяраў з адарванымі канечнасцямі і абверг чуткі пра памерлых раніцай ад атрыманых пашкоджанняў.