Сем беларусаў загінулі ў агні за апошнія суткі

Пажары з гібеллю людзей

Пажары з гібеллю людзей / unsplash.com

За апошнія 24 гадзіны ў Беларусі адбылося некалькі трагічных пажараў, якія забралі жыцці сямі чалавек. Аб гэтым паведамляе прэс-служба МНС.

Першы інцыдэнт адбыўся ўчора ў 22:25, калі ратавальнікам паведамілі аб пажары ў вёсцы Зацітава Слабада Пухавіцкага раёна Мінскай вобласці. Падчас тушэння агню супрацоўнікі МНС знайшлі целы гаспадара дома і яго знаёмага.

Крыху пазней, у 23:40, паступіла паведамленне аб узгаранні нежылога дома ў вёсцы Навасады Барысаўскага раёна. Агонь ахапіў дом і гаспадарчыя пабудовы. Унутры былі знойдзены целы двух загінуўшых. Іх асобы і прычыны смерці высвятляюцца.

Пажар у Пухавіцкім раёне, загінулі два чалавекі / МНС Мінская вобласць

Учора раніцай быў зарэгістраваны пажар у будынку каля хутара Азярыска Ваўкавыскага раёна Гродзенскай вобласці, дзе знайшлі цела бяздомнага.

Мінулай ноччу пажар здарыўся і ў жылым доме ў вёсцы Ягаднае Асіповіцкага раёна Магілёўскай вобласці. У выніку загінуў гаспадар дома. Мясцовыя жыхары змаглі выратаваць яго сына і ўнука, якія атрымалі апёкі 1-2 ступені. Сын быў шпіталізаваны, а ўнуку прызначана амбулаторнае лячэнне.

Таксама, 25 траўня ў шпіталі памерла дзяўчына 2001 года нараджэння, якая атрымала апёкі падчас пажару ў віцебскім інтэрнаце 5 траўня. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі