Шоўмэн Дзяніс Кур'ян абверг звесткі пра сваё затрыманне
Дзяніс Кур'ян, ілюстрацыйнае фота / ilinterviews.com
Беларускі шоўмэн Дзяніс Кур'ян абверг звесткі пра сваё затрыманне.
"Нічога падобнага не было. Са мной усё ў парадку. Я дома ў Беларусі. Працуем, як і раней", — прыводзіць ягоныя словы сайт tochka.by.
Інфармацыя пра затрыманне былога тэлевядоўцы з'явілася ў СМІ 8 лістапада. Пры гэтым не ўдакладнялася, калі адбылося затрыманне Кур'яна і як доўга яно працягвалася.
Пасля гэтата Кур'ян у сваіх сацсетках апублікаваў фота, каб пацвердзіць, што ён знаходзіцца на волі, сярод блізкіх.
