Штармавое папярэджанне і мокры снег: якім будзе надвор'е напачатку тыдня
![Па магчымасці рэкамендуем правесці панядзелак неяк так / pixabay](/sites/default/files/styles/gallery_main/public/2023-08/coffee-ga72ded5e4_1920.jpg.webp?itok=76KETiAT)
Па магчымасці рэкамендуем правесці панядзелак неяк так / pixabay
Панядзелак, 27 сакавіка, у Беларусі будзе хмарным з распагоджаннямі. Для асобных рэгіёнаў краіны Белгідрометцэнтр выпусціў штармавое папярэджанне.
“Месцамі па Брэсцкай вобласці чакаюцца моцныя дажджы, па захадзе рэспублікі — узмацненне ветру парывамі да 15-18 м/с”, — расказалі сіноптыкі.
На надвор'е ў Беларусі ў панядзелак будуць уплываць франтальныя падзелы ад цыклону з цэнтрам над Карпатамі. Уначы месцамі па краіне пройдуць невялікія кароткачасовыя ападкі, удзень можна чакаць дажджу і мокрага снегу.
Кіроўцам варта быць асцярожнымі: уначы на асобных частках дарог будзе галалёдзіца.
Тэмпература паветра мінімальная ўначы апусціцца да -1..+5°С, а вось максімальная ўдзень будзе значна адрознівацца для розных абласцей. Так, па паўночным захадзе паветра прагрэецца толькі да +4°С. А па паўднёвым усходзе Беларусі можна чакаць да да +15°С цяпла.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.