Сталі вядомыя сапернікі футбольнай зборнай Беларусі ў адборы чэмпіянату свету
Такой была зборная Беларусі ў 2024 годзе / t.me/abffby/
Сталі вядомыя сапернікі футбольнай зборнай Беларусі ў адборы чэмпіянату свету 2026 года. Акрамя яе ў групу С трапілі Грэцыя і Шатландыя. Будзе ў ёй і няўдачнік чвэрцьфіналу Лігі нацый Партугалія — Данія. Матчы ў групе пачнуцца ў верасні наступнага года. Іх дакладныя даты стануць вядомыя пазней.
Прамыя пуцёўкі ў фінальную частку ЧС атрымаюць 12 пераможцаў груп. Зборныя, якія зоймуць другія месцы ў групах, змогуць пазмагацца ў плэй-оф за яшчэ 4 пуцёўкі.
Чэмпіянат свету пройдзе з 11 чэрвеня да 19 ліпеня 2026 года ў ЗША, Канадзе і Мексіцы. Упершыню ў ім паўдзельнічаюць 48 зборных.
Нядаўна стала вядома, што галоўным трэнерам зборнай Беларусі да лістапада 2026 года застанецца іспанскі спецыяліст Карлас Алос. Ён яе трэніруе з лета 2023 года і вялікіх поспехаў не дамогся.
