Суд па "справе TUT.ВY" пачнецца 9 студзеня
Людміла Чэкіна і Марына Золатава
Суд па "справе TUT.ВY" пачнецца 9 студзеня. Месца — Мінскі гарадскі суд. Але ісці туды не мае сэнсу: працэс пад старшынствам Валянціны Зянькевіч ад самага пачатку будзе праходзіць у закрытым рэжыме, паведамляюць праваабаронцы з "Вясны".
Цяпер пад вартай (з 18 траўня 2021 года!) утрымліваюцца галоўная рэдактарка Марына Золатава і былая генеральная дырэктарка Людміла Чэкіна. Вользе Лойцы, Алене Талкачовай і Кацярыне Ткачэнка раней змянілі меру стрымання.
У залежнасці ад ролі кожнай, іх вінавацяць паводле чатырох артыкулаў Крымінальнага кодэкса:
- ухіленне ад падаткаў;
- распальванне варожасці;
- заклікі да санкцый, іншых дзеянняў, накіраваных на прычыненне шкоды нацыянальнай бяспецы Беларусі;
- актыўны ўдзел у групавых дзеяннях, якія груба парушаюць грамадскі парадак.
