Сёння ноччу амаль па ўсёй Беларусі — замаразкі
![Кава](/sites/default/files/styles/gallery_main/public/2023-10/coffee-3120750_1920.jpg.webp?itok=qsOmGdNi)
Кава / pixabay
Уначы і раніцай 19 кастрычніка на большай частцы тэрыторыі Беларусі сіноптыкі чакаюць замаразкаў. Чакаюць, што тэмпература паветра ў ноч на чацвер апусціцца да 0..-4°C.
"У ваколіцах Мінска замаразкі 0..-2°C", — кажуць у Гідраметцэнтры.
Наогул жа ў чацвер, 19 кастрычніка, надвор'е ў Беларусі будуць вызначаць атмасферныя франты і халодная няўстойлівая паветраная маса. Максімальная тэмпература днём +4..+10°С.
А ў пятніцу і суботу, 20-21 кастрычніка, на Беларусь будуць перамяшчацца атмасферныя франты з тэрыторыі Польшчы. У паўночных рэгіёнах захаваецца ўплыў халоднай няўстойлівай паветранай масы. Але ўжо днём, 21 кастрычніка, на паўднёвы захад Беларусі пачне паступаць цяпло.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.