Сёння ўначы адбылася буйнейшая з пачатку вайны атака Кіева дронамі
Наступствы атакі дронаў у Кіеве / Дзяржаўная служба Украіны па надзвычайных сітуацыях
Сёння ўначы Расія зладзіла найбуйнешы ад пачатку вайны налёт беспілотнікаў на Кіеў. Сілы паветранай абароны здолелі знішчыць над сталіцай 60 дронаў.
На ўкраінскую сталіцу БПЛА скіроўваліся групамі ў некалькі этапаў, прычым з розных напрамкаў і змяняючы курс.
Ад абломкаў збітых дронаў пацярпелі пяць чалавек, у тым ліку 11-гадовае дзіцё. Найстарэйшаму пацярпеламу — 65 гадоў, паведамляе Кіеўская вайсковая адміністрацыя. Праз начную атаку засталіся без святла каля 200 аб'ектаў, быў пажар на тэрыторыі сталічнага дзіцячага садка.
Усяго па краіне было выпушчана 75 "Шахедаў" (іранскія дроны) — 71 з іх знішчылі.
